امریکی خفیہ ایجنسیوں میں بھی باہمی رابطوں کا فقدان

(ایجنسیز)

واشنگٹن… لگتا ہے کہ انٹیلی جنس ایجنسیز کے مابین رابطوں کا فقدان صرف ہمارے ملک کا مسئلہ نہیں بلکہ دنیا کے تمام ملک کو اسے جھیلنا پڑتا ہے، حال ہی میں یوکرین کے تنازعے پر امریکی ایجنسیز کے مختلف بیانات نے اس صورتحال کو مزید واضح کردیاہے ۔یوکرین کے تنازع پر امریکی خفیہ ایجنسی سی آئی اے نے پہلے ہی کہہ دیا تھا کہ یوکرین میں صورتحال اتنی کشیدہ ہوسکتی ہے کہ روس کوئی



فوجی ایکشن لے تاہم اس بارے میں امریکی وزارت دفاع یا پینٹاگون نے کوئی پیش گوئی نہیں کی تھی، بلکہ پینٹاگون نے تو کہا ہے کہ اس طرح کا معاملہ ہونے کا امکان نہیں ۔ ڈیفنس انٹیلی جنس ایجنسی جس کا کام امریکی پالیسی سازوں کو رہنمائی فراہم کرنا ہے وہ اس معاملے میں بروقت رہنمائی میں ناکام رہی۔ ایسا لگتا ہے کہ یوکرین کے معاملے پر مشترکہ انٹیلی جنس کی فراہمی امریکی ایجنسیوں کا مسئلہ نہیں تھا۔